Vlora është përfshirë nga moti i keq.
Si rrjedhojë e erës së fortë ka pasur një numër të madh pishash të rrëzuara në pyllin e Sodës.
Disa prej tyre kanë rënë edhe në rrugën kryesore, ndërsa autoritetet kanë nisur pastrimin e aksit.
Gjithashtu, raportohen probleme me energjinë elektrike në disa fshatra si Dukat, Orikum, Tragjas, Radhimë.
Ndërkohë vijon pezullimi i lundrimit për mjetet e vogla lundruese dhe mjetet e peshkimit deri në datën 23 prill ora 10:00.
Më herët gjatë ditës, bashkia u bëri apel qytetarëve të shmangnin lëvizjet e panevojshme.
