Vendi ynë edhe për ditën e premte do të vijojë të jetë nën ndikmin e kushteve të paqëndrueshme atmosferike ndikuar nga masa ajrore të lagështa me origjinë jugperëndimore.
Moti parashikohet me vranësira mesatare dhe të dendura si dhe alternime kthjellimesh të herëpashershme dhe afatshkurtra. Vranësirat do të shoqërohen me reshje shiu të herëpashershme me intensitet të ulët dhe lokalisht në periudha afatshkurtra në formën e shtrëngatave.
Duke filluar nga orët e pasdites dhe kryesisht ato të mbrëmjes në zonën e veriperëndimit dhe jugperëndim reshjet me intensitet mesatar deri dhe të lartë në formën e rrebesheve shoqëruar me breshër dhe shkarkesa elektrike.
Era do të fryjë me drejtim jugindje – jugperëndim dhe shpejtësi mesatare 1-10m/s. Përgjatë vijës bregdetare dhe zonat luginore era tepër intensive dhe shpejtësi që arrinë deri në 15-22m/s cka do të sjelli edhe dallgëzim të lartë në det me forcën 5-7 ballë.
Temperaturat parashikohen
në zona malore 7 deri 20°C
në zona e ulëta 11 deri 25°C
në zona bregdetare 14 deri 23°C
