Kylian Mbappe do të transferohet te Real Madrid dhe për këtë nuk ka dyshime. Konfirmimi vjen nga një njeri pranë rrethit të ngushtë të presidentit Florentino Perez. Ish-mbrojtësi “Merengues”, Roberto Carlos zbulon se talenti francez është drejt firmës me klubin mbretëror.
I pyetur nga mediat në dalje të stadiumit të Pamplonas ku ndoqi ndeshjen me Osasunan, ish–mbrojtësi brazilian u mjaftua me shprehjen “po vjen” duke konfirmuar me gjeste pozitive fjalinë e shkurtër.
Deklarata e Roberto Carlos që është njëkohësisht edhe ambasador i Real Madrid, vjen në një moment që PSG është hedhur në sulm total për të bindur 22-vjeçarin të qëndrojë në Paris, madje në këtë drejtim po punon edhe presidenti Macron, i cili po lobon personalisht që ta bindë lojtarin të qëndrojë.
