Armando Broja nuk po kalon një formë të mirë para portës kundërshtare në këtë periudhë të sezonit, por sulmuesi i përfaqësueses shqiptare mbetet pika e referimit për repartin e avancuar të Sauthempton.
Trajneri Ralf Hasenhutl e ka përzgjedhur përsëri sulmuesin e përfaqësueses shqiptare në formacionin titullar të ndeshjes ndaj Bërnlit, e rëndësishme pasi mund të ndihmojë këtë skuadër që të ngjitet në klasifikim dhe të synojë të jetë mes 10 ekipeve më të mira.
Broja ka shënuar për herë në fundit në kampionat më datë 9 shkurt ndaj Totenhem, ndërsa më pas ka tundur rrjetën ndaj Uest Hem në Kupën FA në fillimin e marsit. Por bilanci i tij në vitin 2022 është i vetëm 2 golave në kampionat dhe 1 në Kupën FA, ndaj pritet që sulmuesi të shfrytëzojë ndeshjet e fundit që mbeten për të përmirësuar statistikat e tij.
