Shkrimtari Kim Mehmeti i ftuar në emisionin “Komiteti” ka folur për kryeministrin e Shqipërisë Edi Rama, për të cilin tha se është një gjysmë artist dhe asnjëherë nuk do të mund të bëhet as një udhëheqës i mirë .
Mehmeti mendon se Rama ka një problem të madh me veten: “Mendon se ai është atje lartë dhe ne të gjithë të tjerët, jemi budallenj”.
“Rama është një artist i parealizuar. Ai edhe ekspozitat i ka hapur, pasi është bërë kryeministër. Unë do të isha turpëruar, nëse do të botoja romane pasi të isha bërë kryeministër. Kemi frikë të hapim edhe frigoriferin, se na del kryeministri i Shqipërisë. Shpesh shtrojë pyetjen; kur ai kryeministër punon? Nuk di që të ketë gjëkundi ndonjë kryeministër që jep auto-intervista nga 2 orë, një herë në javë. Nuk e di kur punon, të bësh shtet me Facebbok…nuk e di”, ka thënë mendimin e tij dhe ka portretizuar Ramën-kryeministër, shkrimtari i njohur shqiptar..
Kim Mehmeti i pyetur nëse mendon që Edi Rama ka nevojë për mandat të dytë si kryeministër i Shqipërisë, publicisti shprehet qartë: “Absolutisht jo, madje edhe këtë mandate e ka pasur tepër”.
