Dardha, një destinacion turistik mjaft i frekuentuar, është zgjuar mbuluar nga dëbora.
Megjithëkëtë, Autoriteti Rrugor Shqiptar njofton se rruga është e hapur.
Sipas ARRSH-së, mjetet borëpastruese janë në terren për të bërë pastrimin e plotë të aksit dhe shpërndarjen e kripës dhe qarkullimi kryhet pa probleme.
ARRSH apelon drejtuesit e mjeteve të bëjnë kujdes në lëvizje dhe të pajisen me zinxhirë dhe goma dimërore.
