Një person me thikë në dorë është arrestuar pak metra larg Douning Street në Londër, pasi u përball me dy efektivë policie.
Policia hyri në Paradën e Gardës së Kuajve në qendër të Londrës pak para orës 9 të mëngjesit, kur u lajmërua për një person që po endej me thikë në dorë.
I dyshuari 29-vjeçar iu afrua dy oficerëve të policisë së Ministrisë së Mbrojtjes, teksa mbante në dorë një thikë.
Ai u neutralizua dhe u ndalua përpara se të raportohej ndonjë lëndim.
I dyshuari tani është duke u pyetur nën dyshimin për tentativë vrasje dhe posedim të një arme të ftohtë e do mbetet në paraburgim.
Policia konfirmoi se ngjarja nuk po trajtohet si e lidhur me terrorizmin.
