Filiali i postës në Kamëz është grabitur këtë të Hënë.
Policia njoftoi se rreth orës 14:20, një person i maskuar me kapuç dhe që mbante një send të dyshuar si pistoletë, është futur në filialin e Postës Shqiptare më Kamëz, ku ka marrë një shumë parash dhe është larguar.
Autori është ende i paidentifikuar.
“Grupi hetimor ndodhet në vendngjarje dhe po punon për identifikimin dhe kapjen e autorit, ndërsa shërbimet e Policisë po krehin zonën, për të bërë të mundur kapjen e tij”, thuhet në njoftimin e bluve.
Sipas raportimeve mediatike, dyshohet se arma e përdorur ka qenë lodër, megjithatë nuk ka një konfirmim nga autoritetet.
