Në një editorial të gazetës Koha Jonë me botues Nikoll Lesin thuhet se Edi Rama duhet të rrëzohet nga pushteti, por kush mund ta bëjë këtë.
Në editorial thuhet se Sali Berisha me një PD të përçarë nuk mund të rrëzojë Ramën, sikundër edhe Ilir Meta me një LSI të tkurrur, jo për fajin e tij por për shkak të tradhëtisë nga Lulzim Basha, nuk mund të rrëzojë Kryeministrin.
Në vijim thuhet se edhe Basha as që bëhet fjalë se mund të rrëzojë Ramën. Në këtë kuadër në video-editorialin e Koha Jonë thuhet se dy janë rrugët: ose Edi Rama të mërzitet dhe të largohet, ose t´ja kërkojnë amerikanët për tu larguar.
“Të dyja këto duken të largëta, ndaj dhe duhet të krijohet një opozitë e re, me një lider që të udhëheqë popullin në rrugë për rrëzimin e Ramës”, thuhet ndër të tjera në video-editorialin e Koha Jonë.
