Deputeti demokrat Flamur Hoxha është një prej emrave që firmosi për platformën e bashkimit që u prezantua të shtunën nga kreu i grupit parlamentar, Enkelejd Alibeaj.
Në një intervistë për ABC, Hoxha sqaron edhe propozimet e paraqitura prej tij, duke shtuar se për platformën ka një konsensus të gjerë në mes deputetëve.
Ai shprehet se në funksion të bashkimit të demokratëve duhet të ketë një tërheqje të Sali Berishës.
Sipas tij, proceset zgjedhore të nisura në degët e PD po sjellin krijimin e strukturave paralel.
Fillimisht platforma e paraqitur nga Alibeaj mori firmat e 32 deputetëve, por në më pak se 24 orë nga paraqitja e saj, të paktën 3 deputetë, janë deklaruar se nuk mbështesin kushtin për tërheqjen e Berishës, apo moskonsiderimin e tij si pjesë të Grupit Parlamentar demokrat.
