Deputeti i PD-së Belind Këlliçi, njëkohësisht edhe drejtuesit i Komisionit të Rithemelimit, ka reaguar në lidhje me ngadalësinë e hetimeve të SPAK për aferën e inceneratorëve.
Me një reagim në rrjetet sociale, Këlliçi shkruan “pse drejtësia hesht para fakteve të aferës korruptive të inceneratorëve”.
“Edhe sa kohë i duhet drejtësisë për të bërë drejtësi?
Përse heshtet përpara fakteve tronditëse të aferës korruptive të inceneratorëve?!
Përse nuk janë ende përpara drejtësisë Edi Rama, Erion Veliaj, Arben Ahmetaj dhe Ëngjëll Agaçi?!’, shkruan Belind Këlliçi.
Këtë reagim deputeti Belind Këlliçi e ka shoqëruar edhe me një pjesë nga intervista e tij e dhënë ditën e premte.
