Arben Ristani, anëtar i Komisionit të Rithemelimit të PD, ka folur nga Saranda për situatën në PD dhe ka komentuar edhe zgjedhjet në degët lokale të Partisë Demokratike që do të pasohen nga Kuvendi i kësaj partie me 30 Prill.
“PD mbetet e vetmja forcë politike në ish lindjen komuniste që po i qendron betejave poltike edhe pas goditjeve qe i vijnë nga e majta”, tha Ristani.
Sipas tij, bashkimi i PD do të ndodhe mbi bazën e procedurave dhe votës së lirë. Ristani tha se me zgjedhjet që po zhvillohen po zbatohen vendimet e Kuvendit të 11 dhjetorit 2021, ku u vendos riorganizimi i të gjitha strukturave të PD, nga seksionet e grupseksionet deri te drejtuesit e degëve, kryesitë, Këshilli Kombëtar e kështu me rradhë.
“Demokratët betejën e kanë me Edi Ramën, jo me njëri-tjetrin, ndaj dhe duhet të bashkohen. PD ka kaluar goditjen e madhe të 1997, kaloi edhe këtë goditjen e fundit dhe do i qëndrojë betejave politike”, tha Ristani.
