Policia greke ka zbuluar një laborator-fidanishte që përdorej për kultivimin e narkotikëve, ndërsa arrestoi një 38-vjeçar shqiptar.
Laboratori u zbulua në Agioi Anargyroi, nga punonjës policie të Atikës Perëndimore.
Sipas Policisë greke, në kuadër të hetimit të informacionit për kultivimin e fidanëve të kërpit në ambiente të mbyllura, është ushtruar kontroll në një shtëpi në zonën e Shën Anargjiroit, ku ndodhej laboratori – fidanishtja.
Janë gjetur dhe konfiskuar gjithsej 106 fidanë kanabis hidroponik, 30 kilogramë kanabis, 36 880 euro dhe pajisje të plota të laboratorit të kultivimit të kanabisit.
I arrestuari do të dërgohet në Prokurorinë Publike të Athinës, ndërsa hetimet policore vijojnë.
