Ekstradohet nga Zvicra drejt vendit tonë, një shqiptar i shpallur në kërkim për mashtrim me pasoja të rënda, të kryer në mënyrë të përsëritur.
Ai është Avni Buci, 48 vjeç, njoftoi policia.
Buci ishte shpallur në kërkim ndërkombëtar në bazë të vendimit penal të datës 21.06.2017 të Gjykatës së Apelit Tiranë, e cila e ka dënuar me 6 vjet burgim për veprat penale “Mashtrimi” me pasoja të rënda, kryer më shumë se një herë dhe “Mashtrimi me kredi”.
Avni Buci, gjatë periudhës 2008-2011, në mënyrë të përsëritur, ka përfituar shuma të konsiderueshme parash dhe automjete, duke mashtruar persona të ndryshëm fizikë dhe juridikë.
