Kiara Tito nuk do jetë pjesë e asnjë formati ndryshe stilit të saj. Moderatorja, e cila momentalisht drejton “Style Star”, tha se emisioni është i suksesshëm dhe do të vazhdojë të transmetohet, duke hedhur poshtë kështu, aludimet se do të moderojë emisionin “Piranjat” në ABC.
E ftuar në “Ditë pas Dite”, ajo u pyet për marrëdhëniet me kolegët, duke qenë se Kiara nuk ka qenë kurrë e përfolur për asnjë lloj konflikti.
“Nuk jam zhgënjyer asnjëherë, nuk kam pasur hatërmbetje duke qenë se nuk i marr personale ato që ndodhin” – tha moderatorja.
E pyetur për jetën romantike, Kiara tha se nuk ka askënd në jetën e saj.
Kujtojmë se Kiara nuk e ka pranuar kurrë publikisht se ka qenë e lidhur me Butrint Imerin. Pak ditë më parë në një intervistë Kiara pranoi se është penduar për lidhjet e dashurisë që ka pasur, por nuk dha detaje se për kë bëhet fjalë.
