Gjykata e Krimeve të Rënda ka vendosur “arrest me burg” për dy të arrestuarit për gjobëvënie dhe kërcënim ndaj një biznesmeni në Lezhë.
Ngjarja ndodhi pak ditë me parë, ku Mark Çupi dhe Dode Gjoka, ranë në kurthin e ngritur nga Policia dhe biznesmeni i kërcënuar. Ata u prangosen pasi moren 25 mije eurot qe kishin kerkuar dhe po largoheshin, shkruan panorama.
Dy te ndaluarve iu sekuestrua pas ndalimit edhe celulari nga i cili kishin kercenuar biznesmenit se do t’i vrisnin djalin nese nuk u jepte parate e kerkuara.
Nga të hetimet e policisë, bëhet e ditur se biznesmeni, të cilit i kanë kërkuar paratë, kishte pasur konflikte prej kohësh për çështje pronësie me disa persona të tretë. Dyshohet se kanë qenë këta të fundit që kishin kërkuar ndërhyrjen e dy personave që u arrestuan, për të marrë sasinë e parave që pretendoheshin prej tyre se ai ua kishte borxh.
Në lidhje me ngjarjen, Policia së bashku me Prokurorinë e Krimeve të Rënda po vijojnë hetimet për të sqaruar rrethanat e plota, ndërkohë që biznesmeni është marrë në mbrojtje nga policia.
