Themeluesi i Facebook, Mark Zuckerberg është në presion për të hequr dorë nga kontrolli i rrjetit social si dhe nga kryetari i bordit të drejtorëve.
Ideja për rrëzimin e Zuckerberg vjen nga disa aksionarë të Facebook të cilët janë dhe anëtarë të grupit mbikëqyrës të njohur si SumOfUs, raportojnë mediat e huaja.
Sipas anëtarëve të bordit dhe aksionarëve, një kryetar i ri i kompanisë do i shërbejë përmirësimit dhe suksesit të rrjetit social në të ardhmen.
“Një kryetar i pavarur bordi është hapi i parë i domosdoshëm në rrugën e përfaqësimit efektiv të interesave të të gjithë aksionarëve të Facebook”- thuhet në propozimin e disa prej anëtarëve të bordit.
Facebook nuk pranoi të komentojë propozimin, por pritet një reagim ne të ardhmen pasi rrjeti social paraqet një kandidat për zëvendësim në prill, siç është praktikë standarde me propozimet e aksionarëve.
Lisa Lindsley, këshilluese për tregjet e kapitalit në SumOfUs, tha për VentureBeat se 333,000 njerëz nënshkruan peticionin me të cilin kanë kërkuar që Facebook të përmirësojë qeverisjen e korporatës, por 1500 prej nënshkruesve në fakt ishin aksionerët aktual në rrjetin social.
