Zyrtari amerikan, Gabriel Escobar, i cili është i dërguari i posaçëm për Ballkanin Perëndimor e ka quajtur “të trishtë” situatën në të cilën është përfshirë së fundmi Partia Demokratike.
Teksa ka folur për median greke “Tovvima”, Escobar, pasi ka renditur shqetësimet në Ballkan, është ndalur në trazirën e PD-së, për të cilën tha se nuk duhet të ishte përfshirë në një përçarje të tillë.
Sipas tij, PD-ja, por edhe populli shqiptar duhet të refuzojnë të shkuarën (referuar Berishës), në mënyrë që të mos rikthehen “ditët e këqija”.
“Ne kemi një marrëdhënie shumë të mirë me PD-në. Një demokraci e fortë ka nevojë për një opozitë të fortë. Është e trishtueshme ajo që ndodh me PD-në aktualisht. Shpresoj që anëtarët e PD-së dhe populli shqiptar të refuzojnë të kaluarën dhe të shikojnë nga e ardhmja. Shpresoj që ajo që ndodhi të mos rikthejë ditët e këqija, kur korrupsioni karakterizonte pikëpamjen e shumë njerëzve në rajon për Shqipërinë”, tha Escobar.
