Monika Kryemadhi ishte e ftuar në emisionin “Goca dhe Gra” në Top Channel, ku shpjegoi se për çfarë “lufton” sot në politikë.
Kryemadhi tha se dikur e motivonte “inati ndaj Metës”, ndërsa sot motivohet nga tradhtia që ajo thotë se i bëri Basha në 25 prill.
“Mendoj ndonjëherë ta heq prizën. Për çfarë luftoj unë?
Kur ishte Ilir Meta kryetar, luftoja nga inati i Ilir Metës.
Ndërsa pas 25 prillit, pas vrasjes dhe tradhtisë…. Politika është amorale.
Ilir Meta nuk besonte te Basha dhe më ka thënë mos e beso. Ai pesë vjet nuk besonte. Kurse mua më bëntë të besoja, kauza. Ishte njeri i shkolluar. Këta që janë shkolluar jashtë shtetit kërkojnë paranë më shumë se ndryshimin e vendit.
Një politikan që ka shtëpi në Hollandë, apo Angli, apo Francë, pra një këmbë jashtë dhe një këmbë në Shqipëri, kanë interes te përfitimi.
Nëse do të fitonim, Ilir Meta do të merrte mandatin e dytë president dhe unë do të tërhiqesha”, tha Kryemadhi.
