Një makinë ka marrë flakë në ecje në Tiranë. Ngjarja ka ndodhur te nënkalimi i “Kopshtit “botanik”, ku një mjet në ecje është përfshirë nga flakët.
Shkak për zjarrin dyshohet të jetë bërë një defekt teknik.
Në vendngjarje kanë mbërritur forcat zjarrfikëse të cilët kanë bërë të mundur fikjen e menjëhershme të zjarrit.
Tiranë/Informacion paraprak
Me datë 13.04.2022, në afërsi të Kopështit Zoologjik, ka marrë flakë në lëvizje e sipër dhe është djegur pjesërisht, mjeti me drejtues shtetasin D. Z., dhe si pasojë ka vetëm dëme materiale.
Paraprakisht dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
