Enkelejd Alibeaj u shpreh sot, pas mbledhjes së Grupit Parlamentar, se shumica e deputetëve kanë konstatuar se procesi i zgjedhjeve në PD është i njëanshëm dhe nuk çon drejt bashkimit.
Alibeaj tha se bashkimi mund të vijë vetëm duke nisur një proces të përbashkët, pa përjashtuar askënd.
“Kjo u tha në shumica dërmuese e deputetëve”, tha Alibeaj. Ai shtoi se ka kërkuar nga deputetët që propozimet e tyre lidhur me procesin e bashkimit të demokratëve ta paraqesin me shkrim.
“Duhet të krijojmë një bazë solide duke përfshirë edhe ish-të përndjekurit apo ish=pronarët, biznesi i vogël, dhe më pas të nisim procesin e riorganizimit të strukturave tona”, tha Alibeaj.
Deklarata
Vura re se shumica e kolegëve të mi konstatuan disa gjëra të thjeshta të cilat shkojnë tek bashkimi. E para një proces i njëanshëm nuk të çon në bashkim. Ky është konstatimi i parë. Ndërsa konstatimi i dytë është se shumica dërrmuese kërkuan që të ketë një proces përbashkimi ku të përfshihet e gjithë anëtarësia. Kjo me qëllim që ajo që quhet strukturë e PD të jetë e plotë.
Kjo u tha në shumicë dërrmuese nga deputetët të cilët e ofruan këtë si një zgjidhje. Pothuajse të gjithë deputetët dhanë këtë zgjidhje. Në fund u ofrova atyre që nesër secili deputet të propozojë në mënyrë shtjelluese propozimin e tij. Kishte një propozim nga Lefter Gështenja i cili u pranua nga shumica dërrmuese. Duhet të ndalet pra ai proces i njëanshëm që është nisur dhe të nisë një proces real përbashkimi me kusht, një anëtarësi e çertifikuar.
