Kryebashkiaku i Tiranës, Erion Veliaj, shfaqet gjithmonë entuziast lidhur me investimet që kryhen në kryeqytet me taksat që mbledh nga qytetarët.
Sheshherë ai akuzohet për show dhe propagandën, ndërsa cilësohet si një Kryebashkiak që kujdeset për fasadat, dhe investimet e realizuara nuk janë jetëgjatë.
Kjo ka ndodhur me shumë nga projektet për të cilat Lali Eri ka marrë edhe epitetin si “punëmbaruari”, por nuk kalon shumë kohë dhe investimeve të Bashkisë i “del boja”. Kjo ka ndodhur edhe te Unaza e Re, atje ku duket se punimet nëntokësore nuk kanë qenë e cilësinë e duhur dhe për pasojë sot uji derdhet nga tubacionet.
Është ai uji që faturohet nga Bashkia çdo muaj, pavarësisht se as mund ta pish dhe as mund ta përdorësh për gatim, dhe ndoshta bashkë me të, janë ngatërruar edhe ujrat e zeza, që mund të shkaktojë të tjera probleme për banorët e zonës.
Videot dhe fotot e mëposhtme tregojnë atë se çfarë ka ndodhur, ku duket një investim i kohëve të fundit, nga ato që Lali Eri e paraqet si sukses pasi shtrohen pllakat, por që se çfarë ndodh nën, atje ku shtrihen tubat, ai nuk mban “përgjegjësi”.
Ndaj dhe jo kot ai cilësohet si Kryebashkiaku i fasadave.
