Një vajzë e re ka shkruar në adresën e JOQ.al teksa ka treguar rastin me të cilin është hasur ndërsa ka shkuar në urgjencën kirurgjikale në QSUT.
Ajo thotë se po prisnin për t’u mjekuar, kur i lajmëruan se kryeinfermieri ishte “shumë i zënë”. Vajza nuk nguroi, por shkoi për të vërtetuar vetë gjithçka që po ndodhte.
“Ndërsa prisnin për tu mjekuar në urgjencën kirurgjikale na thanë që kryeinfermieri ishte shumë i zënë dhe vërtetë ishte shumë “i zënë” . Fotoja besoj flet vetë. Shëndeti i pacientit pak rëndësi ka. Ajo që është vërtetë e rëndësishme është të fitojë lojën zotëria. Kjo është “rilindja” e shëndetësisë”, – shkruan vajza.
Ajo shton se ishin duke pritur që kryeinfermieri të shkonte tek dhoma e mjekimit ndërkohë që ai po vonohej. “Harroi që kishte lënë derën hapur. E vura re këtë gjë dhe dola nga dritarja jashtë e i bëra foto zotërisë qe as nuk begeniste për të ardhur pa i mbaruar loja. Në ambientet brenda kanë filluar t’u bëjnë presion kujtdo që mban telefon në dorë nga frika e fotove apo video”, – janë fjalët e të resë që iu desh të përballej me këtë gjendje të mjeruar në spitalet tona.
