Kristajn Asllani po kalon një formë të shkëlqyer te Empoli në Serinë A, duke u shndërruar në një lider te skuadra italiane. Talenti shqiptar, ishte një nga më të mirët në fushë në duelin ndaj Specias që përfundoi me rezultatin e barabartë 0-0.
Asllani i është afruar golit dy herë me tentativa spektakolare nga distanca. Një në pjesën e parë dhe tjetra në në minutën e 71-të, ku futbollisti 20-vjeçar, provoi me një predhë fluturimthi nga një distancë e konsiderueshme, por topi shkoi ngjitur me traversën. Vetëm disa centimetra e ndanë Asllanin nga supergoli.
Në përfundimin e sfidës, Asllani u vlerësua me notën 7.2 nga faqja e specializuar e statistikave “Sofa Score”. Vlerësim të kënaqshëm mori edhe Nedim Bajrami (7.1). Të dy mesfushorët shqiptarë ishin titullarë ndaj Specias, teksa Ismajli u aktivizua nga stoli duke zënë vendin e Simone Romanjolit.
