Një shqiptar është arrestuar këtë të premte nga policia italiane pasi ishte shpallur në kërkim për trafik droge.
Më 31 mars, i riu shqiptar po udhëtonte me një makinë sëbashku me një person tjetër në zonën e Vincenzas. Ata u ndaluan nga policia për një kontroll rutinë, dhe në bagazh iu gjet një sasi prej 12 kg kanabis.
Efektivët arritën të arrestojnë shoferin e makinës, ndërsa shqiptari u largua. Pas hetimeve, policia arriti të identifikojë dhe të arrestojë të riun shqiptar.
Sipas mediave fqinje, ai ishte fshehur në një banesë në pronësi të vëllait të shoferit të arrestuar më 31 mars.
Gjatë ndërhyrjes së policisë në banesë, efektivët sekuestruan një sasi prej 60 gramësh kanabis, 9 mijë euro cash, dhe tre telefona celularë.
