Mustafa Nano, e ka quajtur “veprim të gabuar”, takimin e Yuri Kim me Alibeajn, të cilin e etiketoi si kryetar në detyrë të PD.
I ftuar në emisionin “Të Paekspozuarit” në MCN TV, Nano tha se ambasadorja duhet të shmangte protagonizmin.
“Mendoj që është një veprim i gabuar. Është një protagonizëm që ajo do të duhej ta shmangte dhe bën mirë ti shmangë në të ardhmen protagonizma të tilla.
Por nuk duhet të harrojmë, që DASH e ka shpallur non-grata një person. Duke qenë se ambasadorja përfaqëson DASH dhe Presidentin, ajo ka për detyrë të zbatojë vendimin që është marrë nga DASH. Ajo po i shërben vendit të vet.
Për ne shqiptarët, ajo po bën gabim. Është dhunim i Konventës së Vjenës. Nuk është elegante dhe diplomatike.
Por, nga ana tjetër, situate nuk është e qartë në PD. Kryetar PD nuk ka. Ajo tha unë takova kryetarin në detyrë. Çështja është në proces gjyqësor.
Kur ka thënë takova kryetarin në detyrë, nuk ka bërë ndonjë gabim”, tha Nano.
