E ardhmja e Luis Suarez nuk është e sigurt. Sulmuesi uruguaian ka shënuar dy gola kundër Alaves fundjavën e kaluar duke u bërë golashënuesi më i mirë i Atletico Madrid në këtë sezon me 13 gola.
Megjithatë, ai nuk është aktivizuar nga Diego Simeone në transferën e Champions League që spanjollët kanë luajtur në mesjavë kundër Manchester City-t.
Kontrata e tij me Colchoneros skadon në fundin e sezonit dhe duket se po zhvillohen shumë bisedime në lidhje me të ardhmen e tij, sipas spanjolles Diario AS.
Dy klubet e përfshira në këto bisedime duket se janë Besiktas dhe Fenerbahce. Përfaqësuesit e Suarez i kanë kontaktuar të dy ekipet për të kuptuar se çfarë ofertë mund t’i bëjnë 35-vjeçarit.
Suarez u transferua tek Atletico në verën e 2020-ës pasi Koeman i tregoi derën pavarësisht se ai ishte golashënuesi i tretë më i mirë në historinë e klubit.
Sulmuesi uruguaian shënoi 21 gola në sezonin e tij të parë me Atletico Madrid, duke e ndihmuar skuadrën e Diego Simeone-s që të fitonte titullin në La Liga.
