Deputeti socialist Erion Braçe u ka bërë thirrje të gjithë socialistëve që jetojnë në zonat rurale dhe që merren me bujqësi, që të shtunën të vijnë në Tiranë. Sipas tij, arsyeja është kriza e ushqimeve dhe çmimeve.
Të shtunën e 9 prillit PS do të mbajë Kongresin e radhës dhe vetë kryeministri Rama ka kërkuar që deputetët të jenë kritikë dhe të shtrojnë hallet e njerëzve, ndërkohë që tha se ndryshe nga herët e kaluara, aty do të jenë të pranishëm dhe grupe të caktuara interesi.
Postimi i plotë i Braçes:
“Kam tre muaj që flas e argumentoj tamam për këto. Askush nuk dëgjon! Ndaj, të shtunën, në orën 9.00, ne Sheshin Nënë Tereza, ti flasim Partisë Socialiste tamam për hallin e bujkut, blegtorit, prodhimit te tyre dhe ushqimit tonë, ushqimit të të gjithëve.
A dëgjon me njeri në këtë vend? Për krizën e ushqimeve, të çmimeve dhe burimeve! Urdhëroni çfare rekomandon Banka Botërore edhe për Shqipërinë;
Heqje të menjëhershme të barrierave dhe HAPJE TË TREGUT TË IMPUTEVE BUJQËSORE, plehrave dhe perdorimin efikas të tyre;
Mbështetje më të madhe e më efikase buxhetore për prodhuesit bujqesorë e blegtoral në vend.
