Deputeti rilindas Alfred Peza është thirrur sot në Prokurorinë e Përgjithshme për të dhënë deklarime si person në hetim për çështjen e pasurisë së tij.
Peza pritet të paraqitet pranë organit të akuzës rreth orës 12:00.
Hetimet për pasurinë e deputetit socialist, ish-gazetar, nisën pas publikimit të deklaratës noteriale dhe raportimeve në media se bashkëshortja e deputetit ka blerë aksione me vlerë mbi 1 miliardë lekë në një bankë private.
Pas deklaratës së nisjeve të hetimit nga ana e ILDKPKI-së, Peza tha se e gjithë pasuria e tij është transparente dhe publike dhe është kontrolluar sistematikisht në këto 15 vitet e fundit.
