Belind Këlliçi, anëtar i Komisioni të Rithemelimit, shprehet se Kuvendi Kombëtar i Partisë Demokratike, i cili do të mbahet në 30 Prill, është një mundësi shumë e mirë që demokratët të bashkohen pavarësisht ndasive të krijuara gjatë muajve të fundit.
Këlliçi thekson se në këtë Kuvend, delegatët me votën e tyre do të vendosin se kush do ta drejtojë Partinë Demokratike.
Madje deputeti i PD i ka drejtuar një ftesë të gjithë deputetëve të kësaj partie që ti bashkohen Kuvendit të 30 prillit.
Këlliçi hodhi poshtë akuzat se po përjashtohen nga procesi i riorganizimit të oartisë, anëtarët e PD që kanë mbështetur Lulzim Bashën.
Në 20 Prill do të mbahen zgjedhjet për kryetarët e degëve të PD-së, ndërsa 10 ditë më vonë në Kuvendin Kombëtar do të zgjidhen anëtarët e rinj të Këshillit Kombëtar.
