I ftuar në Task Force në SYRI TV, avokati Redon Meksi ka folur në lidhje me ankimimin e deputetit Enkelejd Alibeajt për vendimin e Gjykatës, e cila regjistroi statutin e ri të PD-së të dalë nga Kuvendi i 11 dhjetorit.
Sipas avokatit, ka një precedent nga Gjykata, e cila ka regjistruar partinë Bindja Demokratike për zgjedhjet e qershorit pa u mbushur afati prej 15 ditësh edhe pse ka pasur ankesa nga njerëz që ishin firmëtarë të kësaj partie, të cilët e akuzonin për falsifikim.
“Në vitin 2019 më datë 25 prill regjistrohet në gjykatë Bindja Demokratike dhe në datë 27 prill, pa pritur afatin e ankimimit shkon dhe regjistrohet në KQZ dhe KQZ e pranon si parti. Pra nuk kishte kaluar 15 ditëshi i afatit të ankimimit dhe ka pasur një ankim nga disa persona që kishin qënë firmëtar të regjistrimit të partisë dhe thonin se nuk janë firmat tona pra janë falsifikuar firmat, pra edhe kjo nuk u mor parasysh.
Për më tepër, Shoqata e Bashkive që dërgoi çështjen për zgjedhjet e qershorit në Gjykatën Kushtetuese ka paraqitur një nga pikat për verifikimin e kushtetueshmërisë së partisë Bindja Demokratike. Pavarësisht se nuk u pranua për arsye legjitimimi kërkesa, por në vendim lexohet se regjistrimi i një partie politike nuk ka të bëjë me një konflikt mes palëve sepse nuk janë dy palë por është thjesht një verifikim i gjykatës që ka të bëjë me aktet e nxjerra nga kjo parti dhe në rast se ka ankimim është prap kjo parti.
Kemi një verifikim dokumentacioni, ai u verifikua legjitimohet pala kërkuese dhe pala kërkuese është Komisioni i Rithemelimit dhe ky komision vazhdon dhe ushtron animimin nëse do të dojë.
Regjistrimi është thjesht akt formal dhe verifikohen dokumentat dhe nuk kemi dy palë në proces prandaj animimi nuk ka asnjë lloj rëndësie”, tha Meksi.
