Këshilltari i sigurisë kombëtare, Michael Flynn, do të rekomandojë që Presidenti i Shteteve të Bashkuara, Donald Trump, të mbështesë kombin e vogël ballkanik të Malit të Zi për t’u bashkuar me NATO-n, megjithë kundërshtimin e fortë nga Rusia, ka mësuar Politico.
Ky veprim do të jetë një test i madh i politikës së administratës së re amerikane në raport me Moskën, që e konsideron çdo zgjerim të mëtejshëm në lindje, të aleancës ushtarake perëndimore, si një provokim, shkruan Politico, raporton Gazeta Express.
Vendet e tjera të NATO-s dhe Senati i SHBA-ve kanë mbështetur gjerësisht anëtarësimin e kombit të 650.000 njerëzve, i cili dikur ishte pjesë e ish Jugosllavisë. Liderët e Malit të Zi kanë akuzuar presidentin rus, Vladimir Putin, për nxitje të paqëndrueshmërisë brenda vendit, që të dëmtojë mbështetjen për t’u bashkuar me aleancën – duke përfshirë komplotet e pretenduara nga lëvizjet pro-ruse të vitit të kaluar për të sulmuar parlamentin dhe vrarë kryeministrin, shton Politico.
Por Flynn, një nga këshilltarët kryesorë “pritet që Trump’it t’i rekomandojë pranimin e Malit të Zi në NATO në ditët e ardhshme”, ka thënë një zyrtar i lartë i administrates amerikane të hënën në përgjigje të pyetjeve.
Trump, i cili kritikoi NATO-n si të vjetëruar gjatë fushatës, ka lavdëruar Putinin dhe u zotua që të përmirësojë marrëdhëniet mes Washington-it dhe Moskës. Tani Mali i Zi do të ketë një rol të madh në zbulimin se sa ai është i gatshëm që të mbështetesë aleancën e epokës së Luftës se Ftohtë në kurriz të ndërtimit të marrëdhënieve të tij me liderin rus.
