Ky është momenti kur Arion Gjergo thyen me gurë xhamin e një marketi në Rrugën e Dibrës në kryeqytet e më pas futet në brendësi të tij për vjedhur produkte të ndryshme dhe para. Tv Klan ka siguruar ekskluzivisht këto pamje ku shihet 37-vjeçari, autor i dyshuar i disa vjedhjeve në kryeqytet muajt e fundit.
Nga pamjet e siguruara vihet re se atij i duhen më pak se 1 minutë për të kryer vjedhjen, për të cilat nuk përdor as maskim për t’u mos identifikuar.
Por marketet duket se nuk janë të vetmet ambiente që ranë pre e vjedhjes nga 38-vjeçari. Ky i fundit aktivitetin e tij e kishte shtrirë dhe në urgjencën e QSUT-së. Hetimet zbuluan se 38-vjeçari shtirej si pacient dhe duke përfituar nga urgjencat mjekësore, kryente vjedhje të sendeve personale të pacientëve, që shkonin për të marrë mjekim dhe për të kryer vizita mjekësore.
“Arion Gjergo u arrestua në flagrancë nga shërbimet e komisariatit 4 teksa po vidhte një shumë parash në vlerën e 1 milionë lekëve në një automjet tip Benz të parkuar në QSUT”.
38-vjeçarit iu sekuestruan paratë e marra në makinë, një orë dore dhe një çakmak. Arion Gjergo është një emër i njohur për policinë pasi në 2013 ai u arrestua dhe dënua po për të njëjtën vepër penale pasi u provua se ishte autor i disa vjedhjeve në kryeqytet.
Marrë nga Tv Klan
