Një ish-zyrtar i Tatimeve është arrestuar pasi rezultonte në kërkim për shpërdorim detyre.
“Specialistët e Seksionit për Hetimin e Korrupsionit bënë kapjen dhe ndalimin e shtetasit Marinel Sulkaj, 31 vjeç, pasi Gjykata e Posaçme e Apelit Për Korrupsionin dhe Krimin e Organizuar e ka dënuar me 4 muaj burgim, për veprën penale ‘Shpërdorimi i detyrës’”, njoftoi këtë të Martë policia e Tiranës.
Sipas SPAK, Marinel Sulkaj dhe tatimorë të tjerë merrnin para për të mos vënë gjoba. Sipas dosjes hetimore, rezultonte se inspektorët e tatimeve në bashkëpunim me njëri-tjetrin merrnin vlera monetare nga biznese nën presionin e gjobave.
