Lulzim Basha ka thyer sot heshtjen, ndërsa prej ditësh emri i tij lakohet në media si kandidat i mundshëm për postin e Presidentit të vendit.
Ndërsa ka shmangur një përgjigje shteruese, Basha u shpreh se refuzonte çdo gënjeshtër, ndërsa shtoi se PD nuk do të mund të bënte përpara me një “non grata”.
“Prej kohësh debati është zhvendosur ku i intereson një grupi njerëzish. Një grusht njerëzish mban peng politikën, mposhtja e këtij sistemi kërkon të kuptojmë ne sa kemi qenë në lartësinë e detyrës. Bashkimi bëhet rreth vlerave ndërkohë që sot në PD mblidhen rreth antivlerave. Refuzoj çdo gjuhë dhe gënjeshtër. PD nuk bën përpara me non grata”, tha Basha.
