Nga Boldnews.al
Një procedurë tenderuese e Ministrisë së Mbrojtjes në godinën e Këshillit të Ministrave ka ngritur dyshime për “frikën” e Edi Ramës për ndonjë luftë të mundshme. Punimet po kryhen gjatë kohës së luftës në Ukrainë dhe në të njëjtën kohë me pakënaqësitë e shqiptarëve për rritjen e çmimeve.
Dy janë mundësitë, ose Rama ka “informacione” për një luftë të tretë botërore ose se protestuesit do të sulmonin godinën e Kryeministrisë. Cilido skenar flet për një “frikë” të Kryeministrit, i cili gjatë kohës që ishte në opozitë u zotua të hiqte gardhin metalik që rrethonte godinën në bulevardin “Dëshmorët e Kombit”.
Por, pushteti i pakufizuar, dhe mandate i tretë, po e frikëson për skenarë me luftëra apo me pushkatime. Ndoshta po kopjon Erdoganin ose Putinin, të cilët janë prej vitesh në pushtet dhe tashmë kanë menduar për sigurinë e tyre.
Në të njëtën rrugë është edhe Rama, përderisa ka kërkuar mbrojtjen e Peleshit. Pasi ka “siguruar” kufijtë e Shqipërisë, duket se Peleshi po kujdeset që të mbrojë eprorin e tij, apo t’i mundësojë që, në raste sulmi, të largohet i qetë!
Megjithëse lufta është mijëra kilometra larg Shqipërisë dhe vendi ynë mbrohet nga NATO, Ministria e Mbrojtjes ka hapur një procedurë për punime ushtarake në godinën e Kryeministrisë. Boldnews.al ka siguruar dokumentet e një tenderi që ka kryer Ministria e Mbrojtjes në fushën e sigurisë. Në dokument thuhet se tenderi është “për fushën e sigurisë nga Ministria e Mbrojtjes në emër dhe për llogari të Kryeministrisë”.
Më tej thuhet se objekti i tenderit është “kolaudim i punimeve për ndërhyrjen riforcuese në kompleksin e godinës të Kryeministrisë”.
Nënshkrimi i kontratës është bërë në datën 3 shkurt 2022, teksa bëhet fjalë për punime ushtarake në këto godina!
Boldnews.al tentoi të marrë më shumë informacione për këto punime, por askush nuk dha detaje se çfarë punimesh janë kryer! Por, siç e shkruam edhe më sipër, që pas këtyre procedurave ngrihen shumë dyshime.
A mos vallë Peleshi ka bërë punime në tunelet e nëndheshme të Kryeministrisë për evakuimin e Ramës? A kan informacione kryeministri për luftën e tretë bërthamore? A mos ka vënë dyer të blinduara edhe kryeministri jonë? Apo ka instaluar sisteme anti-raketë?!
Megjithatë, nisur edhe nga dokumenti, ajo që është më e rëndësishme, duket se ka të bëjë me “frikën” e Ramës, përderisa ka kërkuar mbrojtje nga Peleshi.
