Dy shqiptarë, të cilët u arrestuan në një shtëpi bari, në Britaninë e Madhe, kanë fituar pafajësinë nga gjykata.
Ato u kapën në Skoci, ndërsa mediat vendase raportojnë se dy shqiptarët, pas gjykimit, rezultuan se ishin viktima të trafikimi të qenieve njerëzore.
Mësohet se bëhet fjalë për dy shqiptarët Alfred Dimo dhe Julien Beqaj, të cilët policia i gjeti të mbyllur në një godinë ku ishin kultivuar 1400 rrënjë kanabis.
Ata pretenduan se po mbaheshin kundër vullnetit të tyre dhe ishin detyruar të punonin si “kopshtarë”, për shkak të kërcënimeve.
Ata u arrestuan dhe kaluan 10 muaj në paraburgim. Dimo, 43 vjeç dhe Beqaj, 20 vjeç, u akuzuan për prodhimin e kanabisit në njësinë në Lanarkshire. Ata u liruan pasi u deklaruan të pafajshëm në Gjykatën e Sherifit të Airdrie të martën.
Policia skoceze tha se bimët e kanabisit të sekuestruara kishin një vlerë prej 284,000 deri në 424,000 £.
