Ish-kryeministri Sali Berisha deklaroi se nuk do të njoh asnjë vendim të gjykatave, ndryshe nga ai i dhënë nga Agron Zhukri, për regjistrimin e statutit të dalë nga Kuvendi i 11 dhjetorit.
Sipas tij, çdo vendim tjetër do të ishte një fake, dhe ata që do të mund ta merrnin do të përballeshin me pasojat.
Çfarë ndodh nëse vendimi i shkallës së parë apelohet dhe rrëzohet në apel. Do tërhiqet Berisha?
Sipas ligjit shqiptar çdo parti politike është e detyruar të regjistrohet në gjykatë dhe brenda 30 ditëve duhet të jepet vendim. Gjykata sheh statutin nëse përputhet apo jo me ligjin. Ky është i tërë procesi. Gjykata e shtyu vendimin sepse gjyqtari Agron Zhukri kërkoi dorëheqjen. Pra, kemi të bëjmë vetëm me një regjistrim të thjeshtë.
Ata kanë bërë kërkesë në gjykatë për njohjen e statutit të korrikut dhe atë të 18 dhjetorit dhe kjo po gjykohet. Mund të ndodh që gjykata të regjistroi dhe kongresin bashkë me ndryshimet e 18 dhjetorit?
Gjykata ka njohur statutin e korrikut dhe ne nuk patëm asnjë vërejtje. Sepse atherë ishim bashkë.
Çfarë ndodh nëse gjykata regjistron statutin e 18 dhjetorit?
Kjo s’ka për të ndodhur. Unë njoh statutin që ka regjistruar gjykata, atë të 11 dhjetorit. Nëse bëhet kjo gjë, ai që e organizon do të përballet me pasojat dhe ne nuk e do njohim. Kush është ajo forcë politike që njeh një fake.
