Policia ka vënë në pranga Altin Markun, personin e dyshuar për plagosjen e Besnik Simonit kryetarit të Njësisë Administrative Kallmet në Lezhë.
Arrestimi i Markut është bërë në fshatin Kallmet në Lezhë, ku ai ishte fshehur brenda një banese.
Nga të dhënat paraprake, ka dyshime se sherri mes tyre ka nisur në zyrën e administratorit, për t’u agravuar më pas me ngjarjen e sotme.
Simoni ka qenë duke lëvizur me makinën e tij bashkë me një person tjetër, kur i është zënë pritë dhe është qëlluar në drejtim të tij disa herë me kallashnikov.
Personi që ishte me të fatmirësisht nuk ka marrë lëndime. Pasi iu dha ndihma në spitalin e Lezhës, Simoni u transportua tek Traumë në Tiranë për ndihmë të specializuar, pasi mori tre plumba në trup.
Aktualisht Kryetari i Njësisë Administrative Kallmet, Besnik Simoni, ndodhet në spitalin e Lezhës ku po merr ndihmë mjekësore ndërsa gjendja e tij raportohet jashtë rrezikut për jetën.
