Ministri i Drejtësisë, Ulsi Manja, ka shmangur sërish komentet për arrestimin e deputetit socialist Alqi Bllako lidhur me aferën e incineratorit të Fierit.
Duke folur nga Vlora, Manja tha se çështje të tilla i përkasin drejtësisë dhe se PS është mandatuar për të qeverisur.
“PS, kjo mazhorancë, ishte kjo arsyeja që ndërmorëm një nga reformat më të rëndësishme në këto 30 vite, reforma në drejtësi. Tani që drejtësia e re është në veprim ta lëmë të bëjë punën e vet. Çështjet e drejtësisë janë çështjet e drejtësisë, ne jemi mandatuar për të qeverisur”, tha Manja për gazetarët.
