Deputeti demokrat, Luçiano Boçi ka dhënë një deklaratë lidhur me ngjarjet e ndodhura në mbledhjen e grupit parlamentar të PD ku ish kryeministri Sali Berisha u paraqit ” i paftuar” nga Alibeaj.
Në emisionin “Radari Informativ”, Boçi doli krah Berishës duke theksuar se ky i fundit kishte të drejtë të merrte pjesë në mbledhje ndërsa zbuloi se kishte pasur diskutime në formë debati.
“Prania e zotit Berisha ishte paralajmëruar nga dy elementë një elementi ligjor dhe i dyti paralajmërimi moral i vetë zotit Berisha i cili pati deklaruar se do të ishte pjesë e mbledhjes. Në këtë rast ishte një ardhje ligjore dhe morale. Biseda në formë debati ishte brenda kornizës politike dhe korrektesës së retorikës së përdorur. Themi që u krye një ritual i domosdoshëm i përcaktimit të pozicionimeve dhe të një opinioni që ekziston,”-tha ndër të tjera Boçi.
