Analisti Armand Plaka me anë të një lidhje “skype” për studion e emsionit “Me Xhaxhiun” në Fax News ka folur mbi atë që pritet të ndodhë në luftën Ukrainë Rusi.
Plaka tha se e gjithë kjo ofensivë ushtarake, vinte si pasojë e aneksimit të Krimesë nga Kremlini zyrtar dhe se shkak nuk ishte vetëm pretendimi i ekzistencës së një blloku nazist në Ukrainë.
Ndër të tjera Plaka shtoi se pavarësisht se Putin shpesh herë është i paparashikueshëm, në Ukrainë dukej se do të kishte një tërheqje të trupave ruse nga objektivat e mëparshme.
Pyetje: Çfarë pritet të ndodhë në vijim në luftën Rusi-Ukrainë?
Analisti Armand Plaka: Po mbushen 40 ditë në këtë situatë të mjerë por kemi dy fytyra të Putin, nga njëra anë është tërësisht i deshifrueshëm dhe nga ana tjetër është totalisht i padeshifrueshëm.
Pyetje: A mendoni se do të vazhdojë teoria e Putin, teoria e integritetit territorial të kufizuar por këtë herë me disa korrigjime historike?
Plaka: Unë mendoj se tashmë gjërat po bëhen relativisht të qarta. Kemi një lloj tërheqjen nga objektivat primarë të Kremlinit të cilat me të drejtë janë vënë në dukje si absurde si për shembull ajo e denazifikimit të Ukrainës.
Duhet pranuar se gjithçka ndodhi pas aneksimit të Krimesë nga Kremlini zyrtar.
