Ish-ministri i Drejtësisë, Ylli Manjani, ka komentuar zhvillimet e sotme në mbledhjen e sotme të grupit parlamentar të PD-së.
Në studion e Syri Tv, Manjani ka theksuar se zoti Berisha duhet të kishte marrë pjesë edhe më herët në mbledhjet e grupit parlamentar të PD-së, pasi vendimi ndaj tij ishin nul dhe jo sipas rregullave, por vendime personale të Lulzim Bashës.
Ish-ministri ka sfiduar çdo person që mund të gjejë një rregull të shkruar që thotë se ‘kryetari i partisë në mënyrë unilaterale pa pyetur askënd, vendosë të largojë apo përjashtojë asnjë deputet nga grupi parmalentar’.
“Së pari mendoj se zoti Berisha është paraqitur në mbledhjen e partisë së tij me shumë vonesë. Nuk ka pasur asnjë arsye të mungonte në mbledhjet e grupit të PD-së. Cilido që është statuti qoftë ky i riu dhe ai i vjetri, në asnjë rast nuk legjitimon largimin e një deputeti nga grupi parlamentar, asnjë. Ftoj këdo brenda apo jashtë PD-së që të na gjejë një rregull të shkruar që ‘kryetari i partisë në mënyrë unilaterale pa pyetur askënd, vendosë të largojë apo përjashtojë asnjë deputet nga grupi parmalentar. As në statutin e tij nuk ka qënë kjo. Ky nuk është diskutim fare.
Vendimet merren ashtu siç thonë rregullat dhe kur ato nuk merren ashtu siç e thonë rregullat, merri dhe piji lëngun.
Si publik perceptojmë dy mënyra deklarimesh, ku deklarimi i parë është i grupit të Rithemelimit i cili fton cilindo të jetë pjesë e rithemelimit fton edhe zotin Basha të jetë pjesë e rithemelimit. Janë të hapur dhe për një politikë shumë më përfshirëse.
Nga ana tjetër një grup shumë i vogël deputetësh, që unë i quaj ‘alibashët’, e fillojnë deklarimin e tyre publik me faktin të ikë Berisha, pra ajo deklaraë që fillon me të ikë x apo y, nuk flet më për bashkim por është për përçarje.
Kemi dy linja të caktuara politike ku linja zyrtare e shumicës së PD-së është për bashkim dhe për ecje përpare, për lënie inatesh sigurisht për ruajtje të opinioneve dhe divergjencave por për bashkim në emër të fitores.
Po ashtu siç është edhe grupi i ‘alibashëve’, që vazhdojnë me të njëjtën filozofi me të njëjtën vrimë që i bien nje fyelli që ndryshkur nga çdo lloj erozioni”, tha Manjani.
