Lulzim Bashës i dështon një takim i planifikuar në Malësinë e Madhe. Nga raportimet mësohet se deputeti Basha, pas takimeve të zhvilluara në disa fshatra dhe degë të PD në Tiranë, kishte planifikuar një takim në Malësinë e Madhe në Qarkun e Shkodrës.
Por nga raportimet mësohet se takimi është bojkotuar, madje edhe nga Ramadan Lika, deputet i PD, i cili ka qenë një nga mbështetësit e Bashës deri më 6 mars, datë kur u mbajtën zgjedhjet e pjesshme vendore në 6 bashki të vendit.
Në mbledhjen e parë të grupit parlamentar pas 6 marsit, Lika ishte një nga ligjvënësit që kërkoi nga Basha sqarime lidhur me deklaratën e tij, se PD nuk kishte humbur, ndërkohë që renditej si forcë e 3-të.
Nuk dihet se për çfarë deputeti Basha është angazhuar në takime me qytetarë, por Gazment Bardhi në një deklaratë publike tha se ish-kryetari do të takonte qytetarët në fshatra të ndryshme të vendit.
