Ministri i Drejtësisë Ulsi Manja, i pyetur për rastin e deputetit Alqi Bllako, për të cilin SPAK kërkon arrestimin, shprehet se PS nuk ka përgjegjësi.
Manja tha këtë të Mërkurë në një prononcim për gazetarët se përgjegjësia është individuale.
Manja u pyet: Një tjetër socialist do të përballet me drejtësinë dhe sërish partia që distancohet. A nuk mendoni se ka ardhur koha që PS të mbajë përgjegjësi në atë vijën e kuqe që kaq shumë e përmendni ta vendosni para se ti jepni poste të rëndësishme?
Në përgjigjen e tij, Ulsi Manja tha: Në fakt pyetja juaj ka të bëjë me çështjet e drejtësisë edhe qëndrimi i qeverisë dhe i Partisë Socialiste sa herë ka të bëjë me çështjet e drejtësisë ka qenë i qartë. Çështjet e drejtësisë janë çështjet e drejtësisë, ne inkurajojmë drejtësinë për të kryer hetimet të shpejta dhe objektive për çështje sensitive dhe që i përgjigjen interesit publik. Ne kemi ndërmarrë si qeveri dhe si PS një nga kryereformat e këtyre 30 viteve, që është reforma në drejtësi. Dhe ne kemi qenë të bindur kur e kemi marrë këtë reformë në drejtësi sot më shumë se kurrë se kjo ishte aspirata e 99,9 përqind të shqiptarëve. Për të pasur një drejtësi të pavarur, një drejtësi të ndershme dhe që i përgjigjet nevojave të qytetarëve. Dhe përsëri qëndrimi ynë është i qartë: Çështjet e drejtësisë janë çështjet e drejtësisë. Kushdo që shkel ligjin, përgjegjësia penale është individuale. PS është PS, është lokomotiva e qeverisjes në Shqipëri, është partia që është votuar nga mbi 80 mijë shqiptarë për të qeverisur.
