Aktori i njohur, Ezra Miller është arrestuar në Hawaii pas një incidenti të ndodhur në një bar. Aktori 29-vjeçar, i cili luan në filmin “The Flash” , u akuzua për sjellje të çrregullt dhe ngacmim pas një incidenti në një bar karaoke, sipas gazetës lokale Hawaii News Now.
Ezra u arrestua dhe u burgos për dy akuza, megjithatë u lirua menjëherë pas pagesës prej 500 dollarë, të garancisë.
Policia ka publikuar një deklaratë ku sqaron se çfarë ka ndodhur gjatë ngjarjes.
“Të dielën, më 27 mars, në orën 23:30, oficerët e patrullës së South Hilo iu përgjigjën një raportimi të klientit të çrregullt në një bar në rrugën Silva,” thuhet në deklaratë.
“Gjatë rrjedhës së hetimit të tyre, policia përcaktoi se burri, i identifikuar më vonë si Ezra Miller, u nervozua ndërsa klientët në lokal filluan të këndonin karaoke. Miller filloi të bërtiste dhe në një moment rrëmbeu mikrofonin nga një grua 23-vjeçare që këndonte karaoke (shkelje e sjelljes së çrregullt) dhe më vonë u hodh drejt një burri 32-vjeçar që luante shigjeta (vepër ngacmimi). Pronari i lokalit i kërkoi Millerit të qetësohej disa herë pa rezultat.”
