Presidenti i Francës Emanuel Macron dhe ai rus Vladimir Putin kanë zhvilluar një bisedë telefonike për situatën në Ukrainë.
Të dy liderët kanë diskutuar për pozicionin e Rusisë dhe mundësinë e një misioni humanitar për Mariupolin, një qytet ukrainas që është përballur me breshëri sulmesh që nga fillimi i luftës.
Sipas Sky News, Putin i ka thënë Macron se do të mendonte për këtë çështje, tha një zyrtar i presidencës franceze.
Ata kanë diskutuar edhe vendimin e Rusisë për të kërkuar pagesën në rubla për furnizimet me gaz rus në shtete e BE.
