Aktorja pornografike Charlotte Angie është vrarë dhe trupi i saj i copëtuar është hedhur më pas në anë të rrugës në Paline di Borno, Itali.
Trupi i 26-vjeçares u gjet nga autoritetet italiane brenda disa qeseve të zeza plehrash dhe u njoh falë tatuazheve në trup.
Pas krimit, autori 43-vjeçari vendosi trupin e vajzës në frigorifer në shtëpinë e saj. Më pas ai e bëri copë-copë trupin dhe e zhvendosi në zonën e Brescias për ta hedhur nga një shkëmb ku u gjet më vonë.
Vrasja makabër ka ndodhur dhjetorin e vitit të kaluar, ndërsa autori është vënë në pranga vetëm 1 javë më parë, raportojnë mediat italiane.
Të hënën, 43-vjeçari shkoi në polici për të dhënë informacione për gruan e zhdukur, duke thënë se ai ishte mik dhe fqinj i yllit të pornos dhe ofroi të tregonte atë që ai dinte për ngjarjen, por që ishin kontradiktore me hetimet e kryera deri në atë moment. Më pas karabinierët dhe hetuesit e kanë marrë në pyetje burrin dhe gjatë natës 43-vjeçari ka pranuar krimin.
Nuk dihet ende motivi i vrasjes.
