Restauratorja Marinela Ndria është emëruar në krye të Arkivit Qendror Shtetëror të Filmit.
Vendimi u bë i ditur në rrjetet sociale nga ministrja e Kulturës, Elva Margariti. Ndria zëvendëson në këtë detyrë Iris Elezin, e cila u largua në tetor të vitit të kaluar, pas një konflikti interesi në ushtrimin e funksionit publik.
Marinela Ndria ka qenë përgjegjësja e sektorit të Laboratorit Qendror të Restaurimit në Drejtorinë e Përgjithshme të Arkivave. Ajo ka bashkëpunuar edhe më herët me AQSHF për restaurimin e materialeve të ndryshme filmike.
