Deputeti demokrat i Vlorës, Arbi Agalliu, ka reaguar lidhur me shembjen e ndërtimeve në Radhimë.Përmes një postimi në rrjet, Agalliu shkruan se po prishen banesa të cilat, sipas banorëve, disponojnë Certifikata pronësie.
“Njoftimi për prishje ju ka shkuar sot në mëngjes. Familjarë me fëmijë e të moshuar nuk mund të nxirren në rrugë të madhe e mbi të gjitha me dhunë”, shkruan Agalliu, i cili kërkon nga autoritetet zbatimin e ligjit.
Sipas tij, banorët shekullorë të kësaj zone nuk mund të trajtohen në këtë formë e mbi të gjitha duke ju shkelur të drejtat themelore.
“Çfarë projekti do të implementohet në tokat e tyre? Duhet transparencë mbi atë çfarë po ndodh!”, shkruan deputeti.
